[[KA KARANTA]] YIN ADDUA A TAHIYA TA KARSHE KAFIN YIN SALLAMA.

Yana cikin sunnonin da aka manta da su yin addua a tahiyar karshe kafin yin sallama.

1-Daga Abdillahi Bn Mas'ud رضي الله عنه yana cewa:

Lallai Manzon Allah ﷺ ya koya mana tahiya sannan yace akarshe:

*(Sannan ka zabi adduar da so kayi a bayan Tahiya)*.

@رواه مسلم 

Yin addua bayan Tahiya ta karshe mustahabbine kai tsaye,adduar da tazo daga Annabi Muhammad ﷺ ce ko kuma wadda ka tsarace da kanka,amma yin wadda tabbata daga Manzon Allah ﷺ tafi dacewa.

2-Manzon Allah ﷺ yace:

(Idan dayanku ya gama Tahiyarsa ta karshe,to ya nemi tsarin Allah daga abubuwa guda hudu:-

*-Daga Azabar wutar jannama*

*-Daga Azabar qabari*

*-Daga fitinar yaruwa da mutuwa*

*-Daga Sharrin Masihid Dujal)*.

@صحيح مسلم (588).

3-Daga Aliyu Bn Abi Dalib رضي الله عنه yace:

Manzon Allah ﷺ ya kasance abinda yake fada akarshen Tahiyarsa kafin sallama shine:

*(اللهمَّ ! اغفرْ لي ما قدَّمتُ وما أخَّرتُ.وما أسررتُ وما أعلنتُ ,وما أسرفتُ.وما أنت أعلمُ به مِنِّي .أنت المُقدِّمُ وأنت المُؤخِّرُ لا إله إلا أنتَ ))*

@صحيح مسلم (771)

4-Manzon Allah ﷺ ya shiga Masallaci sai ga wani mutum ya gama sallarsa yana tahiya sai yake cewa a karshen Tahiyarsa:

"اللَّهمَّ إنِّي أسألُكَ يا اللَّهُ الأحدُ الصَّمدُ الَّذي لم يلِد ولم يولَد ولم يكن لهُ كُفوًا أحدٌ أن تغفرَ لي ذنوبي إنَّكَ أنتَ الغفورُ الرَّحيمُ"

Sai Manzon Allah ﷺ yace:

*(Hakika an gafarta masa, Hakika an gafarta masa, Hakika an gafarta masa)*.

@صححه الألباني في صحيح أبي داود(985)

5-Abubakar Saddiq رضي الله عنه yana cewa:

"Nace da Annabi ﷺ 

Ya Manzon Allah ﷺ  ka koya min adduar da zai riqa yi acikin sallata,sai yace kace:

*(اللهم إني ظلَمتُ نفسي ظُلمًا كثيرًا،ولا يغفرُ الذنوبَ إلا أنت، فاغفِرْ لي من عِندِك مغفرًة، 

إنك أنت الغفورُ الرحيمُ)*

@متفق عليه(7387-2705)

Yin addua acikin sallah abune mai falala amma anfi so ayi alokacin sujada da kuma bayan tahiya ta karshe kafin sallama,kuma wannan shine abinda Manzon Allah ﷺ ya kwadaitar.

Daga cikin akwai wannan adduar a tahiyar karshe

*(اللهم إني أعوذ بك من عذاب جهنم، ومن عذاب القبر، ومن فتنة المحيا والممات، ومن فتنة المسيح الدجال)*

        Allah ne mafi sani.

Daga arewagist.com.ng

20th March, 2019.